Back Warm kol (geologie) Afrikaans نقطة ساخنة (جيولوجيا) Arabic Гореща точка Bulgarian Punt calent Catalan Horká skvrna Czech Hot spot (geologi) Danish Hotspot (Geologie) German Hotspot (geology) English Varma punkto Esperanto Punto caliente (geología) Spanish
|
Dä Artikel isch über d Hot-Spots in dr Geologii. Für anderi Bedütige vom Begriff Hot-Spot lueg doo. |
As Hot-Spot (engl.: heisse Flecke) werre Zentre vu intensiver vulkanischer Aktivität in ere planetare Rinde bezeichnet, wo nit direkt dur plattetektonische Prozesse verursacht werre.
Hot-spots sind doher nit an Platteränder bunde, au wenn si uf sonige liige chänne. Plattetektonik trättet usserdem im Sunnesystem numme uf dr Erde uf. D'Mars- un Venus-Vulkane sin dorum alles Hot-Spot-Vulkane. Ganz Hawaii esch dur ne Hot-Spot enstande.
E besundere Fall isch dr Jupitermond Io. Säller isch ybersait vu Schwäfel-Vulkane mit Lavatemperature um öppe 500 °C. Es trättet aber vereinzelt au silikatische Vulkanismus mit Temperature vu iber 1800 °C uf. Dr Begriff "hot spot" isch dorum im Fall vu dr Io uf sälli Art vu Vulkanismus beschränkt.
Uf dr Erde underschidet sich dr Hot-Spot-Vulkanismus vu dr vulkanische Aktivität an Plattegrenze, wo mit plattetektonische Vorgänge wie Ozeanbodespreizig un Subduktion zämmehängt. D'Theori vum Hot-Spot-Vulkanismus isch erstmols anno 1963 vum Geolog John Tuzo Wilson formuliert worre.